हात-पाय पकडून वृद्धेला पाजले विष

जिल्ह्यात तीन दुचाकी लांबविल्या

जिल्ह्यात नांदेड ग्रामीण, शिवाजीनगर आणि किनवट पोलीस ठाण्याच्या हद्दीतून तीन दुचाकी चोरीला गेल्या आहेत. वाजेगाव येथून शेख सद्दाम शेख इब्राहिम, संजीवनी हॉस्पिटल समोरून भागवत दिगांबर सूर्यवंशी तर किनवट तालुक्यातील गोकुंदा येथे झेरॉक्स सेंटरच्या समोरुन सय्यद इसरार सय्यद निसार यांची दुचाकी लंपास केली.

अंगणातील खाटेवरुन मोबाईल उडविला

लोहा तालुक्यातील मौजे लावरा येथे रात्रीच्या वेळी अंगणातील खाटेवर झोपलेल्या तरुणाचा १४ हजार रुपये किमतीचा मोबाईल लंपास करण्यात आला. ही घटना ७ ऑगस्ट रोजी घडली. या प्रकरणात तानाजी नागोराव घोरबांड यांच्या तक्रारीवरुन उस्माननगर पोलीस ठाण्यात गुन्हा नोंद झाला.

टिप्परच्या बॅटरी नेताना पकडले

मुदखेड तालुक्यातील मौजे ब्राम्हणवाडा येथे शेतात उभ्या केलेल्या टिप्परच्या बॅटरी नेत असताना चोरट्याला नागरिकांनी पकडले. ही घटना २७ ऑगस्ट रोजी दुपारी एक वाजेच्या सुमारास घडली. आरोपीकडून २४ हजारांच्या बॅटरी जप्त करण्यात आल्या असून या प्रकरणात मुदखेड ठाण्यात गुन्हा नोंद झाला.

विहिरीवरील पाईप नेला कापून

लोहा तालुक्यातील मौजे वाळकी येथे दिगांबर मुंजाजी हरणावळे यांच्या शेतातील विहिरीवर बसविण्यात आलेली ३ एचपीची मोटार आणि पाईप चोरट्याने कापून नेला. ही घटना २५ ऑगस्ट रोजी घडली. या प्रकरणात लोहा पोलिसांनी गुन्हा नोंद केला.