नांदेड पालिकेसाठी आज मतदान; उद्या मतमोजणी

नांदेड महापालिकेच्या २० प्रभागांतील ८१ वॉर्डांसाठी बुधवारी मतदान होणार आहे. तर गुरुवारी मतमोजणी होईल. बुधवारी सकाळी ७:३० वाजेपासून मतदान सुरू होईल.

नांदेड : नांदेड महापालिकेच्या २० प्रभागांतील ८१ वॉर्डांसाठी बुधवारी मतदान होणार आहे. तर गुरुवारी मतमोजणी होईल.
बुधवारी सकाळी ७:३० वाजेपासून मतदान सुरू होईल. मतदानासाठी २,५०० इलेक्ट्रॉनिक वोटिंग मशीन वापरल्या जाणार आहेत. १३७ मतदान केंद्रे संवेदनशील घोषित केली आहेत. विविध पक्षांचे ४२३ तर १५५ अपक्ष उमेदवार रिंगणात आहेत. राज्यात पहिल्यांदा वोटर व्हेरीफाईड पेपर आॅडिट ट्रेल अर्थात व्हीव्हीपॅट मशीनचा वापर होणार आहे. प्रभाग २मधील ३७ मतदान केंद्रांवर या मशिन्स बसविल्या जाणार असून, मतदारांना व्हीव्हीपॅट मशीनवर मतदान बघायला मिळणार आहे.