शिवणी ज. येथे काठ्या, कुऱ्हाडीने मारहाण सात जणांना अटक (सुधारीत बातमी)

शिवणी (ज ) येथील गणेश ऐडके (३२) व विश्वनाथ आप्पाराव जामगे यांच्यात रस्त्यातील मोटरसायकलच्या किरकोळ कारणावरून बाचाबाची झाली होती. भांडण मिटविण्यासाठी गावातील लोकांनी प्रयत्न केला; पण विश्वनाथ जामगे यांनी कुऱ्हाडीने गणेश एडके यांच्या डोक्यावर जबर मारहाण केली.यात गणेश जागीच रक्तबंबाळ झाले. याप्रकरणी संभाजी दुधमल (२६) यांनी दिलेल्या फिर्यादीवरून आरोपी प्रल्हाद जामगे, विश्वनाथ जामगे, काशीनाथ जामगे, आप्पाराव जामगे, सुदाम जामगे, दशरथ जामगे, ज्ञानोबा जामगे, यादवजी जामगे, बसवेश्वर बोमनाळे (सर्व राहणार शिवणी) यांच्याविरुद्ध गुन्हा नोंदविण्यात आला. जखमी गणेश एडके यांना लोहा येथील ग्रामीण रुग्णालयात उपचार करून नांदेडला पाठविण्यात आले.

या प्रकरणी बुधवारी लोहा पोलीस ठाण्यात नऊ जणांविरुद्ध गुन्हा नोंदविला असून पोलीस निरीक्षक भागवत जायभाये यांनी मुख्य आरोपीसह सहाजणांना अटक केली. घटनेचा तपास उपविभागीय पोलीस अधिकारी किशोर कांबळे करीत आहेत.