धक्कादायक ! मंदिरात झोपलेल्या मनोरुग्ण महिलेचा गळा चिरुन खून

आज पहाटे काही नागरिक मंदिरात आले असता त्यांना मृतदेह गळा चिरलेल्या अवस्थेत आढळून आला.

नांदेड : शनि मंदिरात झोपलेल्या एका मनोरुग्ण महिलेचा गळा चिरून खून केल्याची धक्कादायक घटना आज सकाळी लोहा येथे उघडकीस आली. छबुबाई ठाकूर असे मृत महिलेचे नाव आहे. 

लोहा शहरातील छबुबाई ठाकूर या महिला मनोरुग्ण आहेत. नागरिकांच्या माहितीनुसार त्या दिवसभर शहरात फिरून दररोज शनिमंदिरात झोपत. आज पहाटे काही नागरिक मंदिरात आले असता त्यांना छबुबाई यांचा मृतदेह गळा चिरलेल्या अवस्थेत आढळून आला. माहिती मिळताच पोलीस निरिक्षक संतोष तांबे, सहाय्यक पोलीस निरिक्षक अनिल कऱ्हे आणि कर्मचारी घटनास्थळी दाखल झाले. छबुबाई यांचे बंधू रामसिंह गोपासिंह ठाकूर यांच्या फिर्यादीवरून गुन्हा दाखल करण्यात आला असून पुढील तपास सुरु आहे.