जिल्ह्यात तीन दुचाकी चोरीला

आठवडे बाजारातून मोबाईल लंपास

रविवार हडको बाजारात भाजीपाला खरेदी करीत असताना उमेश धोंडीबा गायकवाड यांचा दहा हजार रुपयांचा मोबाईल लंपास केला. ही घटना २० जून रोजी घडली. याप्रकरणात नांदेड ग्रामीण पोलीस ठाण्यात गुन्हा नोंद झाला.

किरकोळ कारणावरून दाम्पत्याला मारहाण

लोहा तालुक्यातील मौजे कपिलेश्वर येथे शेताला जाणाऱ्या रस्त्याच्या कारणावरून वाद घालून दाम्पत्याला मारहाण करण्यात आली. या मारहाणीत एकनाथ व्यंकटराव वानखेडे यांच्यासह त्यांची पत्नी गंभीर जखमी झाली आहे. याप्रकरणात सोनखेड ठाण्यात गुन्हा नोंद झाला.

आजी-नातीचा अपघातात मृत्यू

नांदेड ते हैदराबाद रस्त्यावर दुचाकीवरून जाणाऱ्या आजी आणि नातीचा अपघातात मृत्यू झाला. ही घटना २० जून रोजी घडली. या प्रकरणात देगलूर पोलीस ठाण्यात गुन्हा नोंद झाला.

प्रेमला शेषेराव पांचाळ (४३) आणि पौर्णिमा नागेश पांचाळ रा. बासवाडा या दोघी टीएस १६, ईजी ५९६१ या क्रमांकाच्या स्कूटीवरून बासवाडा येथे जात असताना पाठीमागून भरधाव वेगाने येत असलेल्या टीएस २५, टी २५२९ या क्रमांकाच्या टिप्परने त्यांच्या दुचाकीला धडक दिली. गंभीर जखमी झालेल्या आजी आणि नातीचा मृत्यू झाला. याप्रकरणात शेषराव पांचाळ यांनी ठाण्यात तक्रार दिली.