वसरणी येथून दुचाकी लंपास

पैशाच्या हिशेबासाठी केली मारहाण

भोकर तालुक्यातील सोनारी येथे बचत गटाच्या पैशाच्या हिशेबावरून झालेल्या वादानंतर एका जणाला बेदम मारहाण करण्यात आली. ही घटना ३१ मार्च रोजी घडली. किशन राठोड असे जखमी युवकाचे नाव आहे. ते प्रकाश राठोड यांच्या घराजवळ थांबलेले असताना, आरोपी त्या ठिकाणी आले. यावेळी त्यांनी राठोड यांच्याशी वाद घालून जबर मारहाण केली. या प्रकरणात भोकर पोलीस ठाण्यात गुन्हा नोंदविण्यात आला आहे.

दारूसाठी पैसे न दिल्याने मारहाण

शहरातील ढवळे कॉर्नर परिसरात दारूसाठी पैसे न दिल्याने, एका चालकाला मारहाण करण्यात आली. ही घटना ३ एप्रिल रोजी घडली. अंकुश माणिकराव शिंदे या चालकाला त्याच्या मित्रांनी चहा पिण्यासाठी ढवळे कॉर्नर परिसरात बोलाविले होते. त्यानंतर, शिंदे यांना दारू पिण्यासाठी पैसे मागितले. शिंदे यांनी पैसे देण्यास नकार दिल्यानंतर त्यांना बेदम मारहाण करण्यात आली. या प्रकरणात नांदेड ग्रामीण पोलीस ठाण्यात गुन्हा नोंदविण्यात आला आहे.

अर्धापूर येथे जमिनीवरून वाद

अर्धापूर शहरात मदिना मशिदीजवळ असलेल्या प्लॉटच्या मालकीवरून एका मजुराला मारहाण करण्यात आली. ही घटना २ एप्रिल रोजी घडली. इम्रानखान जुबेरखान हे घराजवळ उभे असताना आरोपी त्या ठिकाणी आले. यावेळी त्यांनी सदरील प्लॉट आमच्या मालकीचा आहे, असे म्हणून इम्रानखान यांना मारहाण केली. या प्रकरणात अर्धापूर पोलीस ठाण्यात गुन्हा नोंदविण्यात आला आहे.

दारूची वाहतूक करताना पकडले

नांदेड ते लोहा रस्त्यावर नगरपालिकेजवळ अवैधपणे दारूची वाहतुक करताना दोघांना पोलिसांनी पकडले. ४ एप्रिल रोजी ही कारवाई करण्यात आली. यावेळी पोलिसांनी देशी आणि विदेशी अशी साडेतीन हजार रुपयांची दारू जप्त केली. या प्रकरणात लोहा पोलीस ठाण्यात गुन्हा नोंदविण्यात आला आहे.

प्रेयसीला प्रियकराने पेटविले

नांदेड : शहरातील सांगवी भागात प्रेयसीने लग्नाचा तगादा लावला होता, परंतु प्रियकर तिला नकार देत होता. त्यामुळे प्रेयसीने पेटवून घेण्याची धमकी देत, अंगावर पेट्रोल ओतले. तोच प्रियकराने तिच्या अंगावर जाळ लागलेली काडी फेकली. या घटनेत प्रेयसी भाजली गेली आहे.

कृष्णा ड्रायव्हिंग स्कूलच्या पाठीमागे किरायाच्या खोलीत राहत असलेल्या एका २२ वर्षीय महिलेचे एका तरुणासोबत प्रेमसंबंध जुळाले होते. सदर महिलेने तरुणाकडे लग्नासाठी तगादा लावला होता, परंतु प्रियकराने लग्न करण्यास नकार दिला. त्यामुळे चिडलेल्या प्रेयसीने अंगावर पेट्रोल ओतून जाळून घेण्याची धमकी दिली. यावेळी प्रियकराने तू कशाला जाळून घेतोस, मीच तुला पेटवितो, असे म्हणून प्रेयसीच्या अंगावर आगपेटीची काडी फेकली. या घटनेत प्रेयसी गंभीररीत्या भाजल्या गेली आहे. या प्रकरणात अर्धापूर पोलीस ठाण्यात प्रियकराच्या विरोधात गुन्हा नोंदविण्यात आला आहे.