तेहरानगरातून दुचाकी लांबविली

चालकाचा मोबाइल, रक्कम लंपास

लोहा : तालुक्यातील सोनखेड भागात पेट्रोलपंपासमोर टेम्पो उभा करून झाेपलेल्या चालकाच्या खिशातील मोबाइल आणि रोख रक्कम असा ४० हजारांचा ऐवज लंपास करण्यात आला. ही घटना १२ ऑगस्ट रोजी घडली. याप्रकरणी जे हेमंत कुमार यांनी सोनखेड पोलीस ठाण्यात तक्रार दिली.

शेतीच्या वादातून शेतकऱ्यावर हल्ला

मुखेड शहरात शेतीचा फेरफार करून घेतल्यानंतर बॉन्डवर सह्या करण्यास नकार देत असल्याच्या कारणावरून माधव व्यंकटराव पाटील या शेतकऱ्यावर हल्ला करण्यात आला. या हल्ल्यात ते गंभीर जखमी झाले आहेत. याप्रकरणी विश्वंभर पाटील, सिद्धेश्वर पाटील, तेजेराव पाटील, अमोल पाटील यांच्या विरोधात गुन्हा नोंदवण्यात आला आहे.

माजी सैनिकाचे डोके फोडले

नांदेड ग्रामीण पोलीस ठाण्याच्या हद्दीत सिडकोत किरकोळ कारणावरून तिघांनी एका माजी सैनिकाला मारहाण करून त्यांचे डोके फोडले. पोलिसांनी गुन्हा नोंदविला आहे.

प्रकाश पांडुरंग वाघमारे हे सेवानिवृत्त सैनिक असून, १२ ऑगस्ट रोजी रात्री दहा वाजता जेवण करून बाहेर पडले होते. यावेळी गिट्टीची वाहतूक करणारे वाहन त्यांच्या घरासमोर फसले होते. यावेळी वाघमारे यांनी मोठ्या वाहनांमुळे रस्त्यांचे नुकसान होत असून, ड्रेनेज फुटत आहे, असे म्हणाले. त्यावरून चिडलेल्या आरोपींनी फावड्याने त्यांना मारहाण केली. या मारहाणीत ते गंभीर जखमी झाले. याप्रकरणी सचिन केशव ढवळे, मिलिंद दिगांबर चिंचोलीकर आणि अंकुश बाबाराव गायकवाड यांच्या विरोधात गुन्हा नोंदवण्यात आला आहे.

तीन ठिकाणी जुगारावर धाडी

जिल्ह्यात नांदेड ग्रामीण, कुंडलवाडी आणि भोकर पोलीस ठाण्याच्या हद्दीत पाेलिसांनी जुगार अड्ड्यांवर धाडी टाकल्या. खुदबईनगर येथून २ हजार ७५०, कुंडलवाडीतून २ हजार ४० रुपये आणि भोकरच्या उमरी चौकातून दीड हजार रुपये जप्त केले.