"अफगाणिस्तानमधील बौद्ध स्थळांची सुरक्षा संयुक्त राष्ट्रसंघाच्या शांतता सैनिकांनी व युनिसेफने करावी"

चौथ्या ते पाचव्या शतकामधील बामियान या ठिकाणी उभारण्यात आलेल्या दोन बौद्ध विशाल मूर्ती २००१ मध्ये तालिबानचे नेते मोहम्मद उमर यांच्या सूचनेवरून मिर्झा हुसेन यांच्या सहकार्याने पंचवीस दिवस डायनामाईट लावून नष्ट करण्यात आल्या होत्या. इसवी सनाच्या ५०७ मध्ये उभारण्यात आलेली ३५ मीटर उंचीची व इसवी सन ५५४ मध्ये उभारण्यात आलेली ५३ मीटर उंचीची या दोन विशाल बुद्धमूर्ती तालिबान्यांनी डायनामाइट लावून नष्ट केल्या. मार्च २०२१ मध्ये त्या ठिकाणी लेझरच्या माध्यमातून या मूर्ती पर्यटकांना पुन्हा एकदा दाखवण्यासाठी प्रयत्न प्रारंभ करण्यात आले होते. गांधार शैलीतील या मूर्ती व अजिंठा येथील नवव्या आणि दहाव्या गुंफेतील चित्र (मीरम शैली) मध्ये बरेच साम्य आढळते.

२०१५ मध्ये बामियान या शहराची निवड दक्षिण आशिया सांस्कृतिक राजधानी म्हणून करण्यात आली होती.

बामियान व अफगाणिस्तानमधील इतर आत्यंतिक महत्त्वाच्या बौद्ध स्थळांची सुरक्षितता करणे आवश्यक आहे. ही स्थळे केवळ बौद्ध धर्मीयांच्या साठी महत्त्वाची नसून संपूर्ण मानवी इतिहासासाठी व प्राचीनतम रेशीम मार्गावरील हीच महत्त्वाची बौद्ध स्थळे जपणूक होणे आवश्यक आहे. तालिबान्यांचा मागील कार्यकाल पाहता उरलीसुरली बौद्ध ऐतिहासिक स्थळे नष्ट होण्याची भीती असल्यामुळे वेळीच संयुक्त राष्ट्र संघाने आपल्या युनिसेफ या संघटनेच्या माध्यमातून आणि संयुक्त राष्ट्राच्या शांतता सैनिकाच्या सहकार्याने बौद्ध परिसराची सुरक्षा करावी, अशी मागणी दीपक कदम यांनी युनिसेफच्या प्रमुखाकडे केली आहे. भारत सरकारनेसुद्धा या बाबीकडे विशेष लक्ष देऊन बौद्धांच्या या ऐतिहासिक स्थळांची सुरक्षितता कशा प्रकारे केली जाईल यासाठी संयुक्त राष्ट्र संघाकडे अशा प्रकारची मागणी तात्काळ करावी अशी विनंती दीपक कदम, प्रमुख आंबेडकरवादी मिशन युनिवर्सल बुद्धिस्ट संघ यांनी केली आहे.