बाचोटी येथील बिनविरोध सरपंचपदी वर्षा शिवदास गोधने, तर उपसरपंचपदी नितेश आप्पाराव वरपडे

निवडणूक निर्णय अधिकारी थोटे, ग्रामसेवक कुळेकर, तलाठी सोनकांबळे यांच्या प्रमुख उपस्थितीत निवडणूक प्रक्रिया शांततेत पार पडली.

बाचोटी येथील ग्रामपंचायत स्थापनेपासून येथील ग्रामपंचायतीवर गणेशराव धोंडगे दहा वर्षे, माजी आ. शंकरअण्णा धोंडगे यांच्या नेतृत्वाखाली वीस वर्षे जिल्हा परिषद सदस्य विजय पाटील-धोंडगे यांच्या नेतृत्वाखाली २० वर्षांपासून असे ५० वर्षे धोंडगे कुटुंबीयांचा या ग्रामपंचायतीवर ताबा पुन्हा अजून सिद्ध झाला आहे.

कंधार तालुक्यातील प्रतिष्ठेची समजणारी बाचोटी येथील ग्रामपंचायत निवडणूक होती. येथील निवडणूक दुहेरी झाली होती. एकूण ग्रामविकास पॅनेलचे ११ पैकी ११ उमेदवार विजयी झाले होते. सरपंच व उपसरपंच पदाच्या निवडीच्या वेळी येथील ग्रामपंचायत सदस्य मीना येवते, साहेबराव वरपडे, राहुल धोंडगे, ज्योत्स्ना गायकवाड, मीरा झंपलवाड, विशाल आडे, पद्मावती धोंडगे, चित्ररेखा वाघमारे, शिवकन्या घोडके हे उपस्थित होते.