जि.प. शाळेतील साहित्य चोरीला

देगलूर शहरातील साधनानगर येथे दरवाजा उघडा असल्याने चोरट्याने घरातून ११ हजार रुपयांचा मोबाइल लंपास केला. ही घटना ५ जून रोजी घडली. या प्रकरणात सुनील सोपानराव काळेकर यांच्या तक्रारीवरून गुन्हा नोंदविण्यात आला.

जिल्ह्यात दोन दुचाकी चोरीला

शहरातील सांगवी बु. भागातून मधुसूदन आबाराव कोकाटे यांची घरासमोरून तर मुदखेड येथे रेल्वेस्टेशनसमोरून विठ्ठल दत्ता शिंदे अशा दोघा जणांच्या दुचाकी चोरीला गेल्या आहेत. या प्रकरणात दोन्ही पोलीस ठाण्यात गुन्हा नोंद झाला.

मंदिराच्या मागे पत्त्यांचा डाव

देगलूर येथे मुकुंदनगरातील राेहिदास महाराज समाजमंदिराच्या पाठीमागे सुरू असलेल्या जुगार अड्ड्यावर पोलिसांनी धाड मारली. १३ जून रोजी ही कारवाई केली. यावेळी दोन हजार रुपये जप्त केले असून गुन्हा नोंद झाला.

बाभळीफाट्यावर दारू पकडली

धर्माबाद तालुक्यातील बाभळीफाटा येथे अवैध दारूविक्री करणा-याला पकडून त्याच्याकडून सात हजार रुपयांची देशी आणि विदेशी दारू जप्त केली. ही कारवाई १२ जून रोजी करण्यात आली. या प्रकरणात सपोउपनि साहेबराव नल्लेवाड यांनी तक्रार दिली.