संजय नगरातील घरातून 50 हजार रुपये लांबवले

लोकमत न्यूज नेटवर्क
नंदुरबार : शहरातील संजय नगरातील घरातील कपाट फोडून चोरटय़ांनी 50 हजार रुपये लांबवल्याची घटना 27 रोजी पहाटे उघडकीस आली़ 
संजय नगरातील सुशिलाबाई भाईदास बागुल ह्या 22 ऑगस्ट रोजी इंदौर येथे मुलीकडे गेल्या होत्या़ यामुळे त्यांचे घर बंद होत़े याचा फायदा घेत अज्ञात चोरटय़ाने 22 ते 27 ऑगस्टदरम्यान घरात प्रवेश करत कपाटात ठेवलेले 50 हजार रुपये चोरुन नेल़े मंगळवारी पहाटेच्या सुमारास सुशिलाबाई ह्या घरी परत आल्यानंतर हा प्रकार उघडकीस आला़ कपडे विक्रीचा घरगुती व्यवसाय करत त्यांनी पैसे जमा केले होत़े चोरटय़ांनी त्यावरच डल्ला मारत ते चोरुन नेल्याचे दिसून आल्यानंतर त्यांच्या डोळ्यात अश्रुधारा तरळत होत्या़ 
याबाबत सुशिलाबाई बागुल यांनी शहर पोलीस ठाण्यात दिलेल्या फिर्यादीवरुन अज्ञात चोरटय़ाविरोधात गुन्हा दाखल करण्यात आला आह़े तपास सहायक पोलीस उपनिरीक्षक बि:हाडे करत आहेत़