55 हजारांचे अवैध लाकडू जप्त

लोकमत न्यूज नेटवर्क
नंदुरबार : वन विभागाच्या पथकाने सागीपाडा येथून 55 हजार रुपये किमतीचा अवैध लाकूडसाठा जप्त केला. 
नवापूर  तालुक्यातील सागीपाडा येथे अवैध लाकूडसाठा असल्याची माहिती गुप्त माहिती वन विभागाला मिळाली होती. त्यानुसार पथकाने सागीपाडा येथे जावून  तपासणी केली असता  एका  घराच्या बाजुला ताडपत्रीखाली अवैधरित्या साग चौकट  36 नग  1.785  घन मीटर लाकूड लपवून ठेवलेले दिसुन आले. पथकाने जप्त केलेल्या मालाची किंमत 55 हजार तीनशे 25 रुपये आहे.
वनक्षेत्रपाल आर.बी.पवार, विक्री आगार वनपाल  पी.बी.मावची, वडकळंबी वनपाल ए.एन.जाधव, उकाळापाणी वनरक्षक एस.बी. गायकवाड, वनरक्षक अमोल काशिदे, वनरक्षक बी.बी. गायकवाड बारी, बी.एस.साळवे  वाहनचालक माजी सैनीक नाना पिंपळे, सुरेश मोरे  यानी शनिवारी उपवनसंरक्षक पीयुषा जगताप, सहायक वनसंरक्षक नंदुरबार जी.आर.रणदिवे यांच्या मार्गदर्शनाखाली  ही कारवाई करण्यात आली.