जिल्ह्यात दोन ठिकाणी घरफोडी

लोकमत न्यूज नेटवर्क
नंदुरबार : जिल्ह्यात दोन वेगवेगळ्या ठिकाणी घरफोडीच्या घटना घडल्या आहेत़ शहादा व नंदुरबार शहरात घडलेल्या या घटनेदरम्यान चोरटय़ांनी रोख रक्कम चोरुन नेली़ 
नंदुरबार
शहरातील नवनाथनगर भागातील शाळा क्रमांक 9 मागे राहणारे जयेश पांडुरंग मोरे यांच्या घरातून 19 ते 20 सप्टेंबर दरम्यान अज्ञात चोरटय़ाने 95 हजार रुपये रोख चोरुन नेल़े 20 रोजी सकाळी ही घटना उघडकीस आली़ चोरटय़ांनी मोरे यांच्या घराचा मुख्य दरवाजा तोडून आत प्रवेश करत लोखंडी कपाट फोडत त्यातील रक्कम चोरुन नेली़ घटनेची माहिती मिळाल्यानंतर अप्पर पोलीस अधिक्षक चंद्रकांत गवळी, पोलीस निरीक्षक सुनील नंदवाळकर यांनी घटनास्थळी भेट देत माहिती घेतली होती़ याबाबत जयेश मोरे यांच्या फिर्यादीवरुन अज्ञात चोरटय़ाविरोधात गुन्हा दाखल करण्यात आला आह़े तपास सहायक पोलीस निरीक्षक दिवटे करत आहेत़
शहादा
शहरातील जुना प्रकाशा रोडवरील डॉ़ योगेश पुरुषोत्तम चौधरी यांच्या मातोश्री क्लिनिक या दवाखान्यातून अज्ञात चोरटय़ांनी 98 हजार 200 रुपये चोरुन नेल़े 20 सप्टेंबर रोजी सकाळी 9 वाजता चोरीची घटना उजेडात आली़ चोरटय़ांनी दवाखान्याच्या मागील खिडकीचा गज वाकवून आत प्रवेश करत टेबलच्या खालचा ड्रॉवर फोडून रक्कम लांबवली़ 
याबाबत डॉ़ योगेश चौधरी यांनी शहादा पोलीस ठाण्यात दिलेल्या फिर्यादीवरुन अज्ञात चोरटय़ाविरोधात गुन्हा दाखल करण्यात आला आह़े तपास पोलीस हेड कॉन्स्टेबल शेख करत आहेत़ पोलीस निरीक्षक नजन यांनी भेट देत पाहणी केली होती़