मित्राच्या हळदीसाठी आलेल्या युवकावर काळाचा घाला

लोकमत न्यूज नेटवर्क
नंदुरबार : मित्राच्या लगAाची हळदीचा कार्यक्रम आटोपून परत गावी जाणा:या युवकाचा आष्टेनजीक मोटरसायकल अपघातात मृत्यू झाल्याची घटना 14 रोजी सायंकाळी घडली. तालुका पोलिसात नोंद करण्यात आली आहे.
विजय बालू कोकणी (30) रा.मोग्राणी, ता.नवापूर असे मयताचे नाव आहे. विजय कोकणी हा युवक कोल्हापूर येथे राहतो. सुतारपाडा येथील मित्राच्या लगAासाठी तो गावी आला होता. 14 रोजी मोटरसायकलीने (क्रमांक एमएच 39-5574) सुतारपाडा येथे आला होता.  हळदीचा कार्यक्रम आटोपून तो सायंकाळी परत मोग्राणी येथे जाण्यासाठी निघाला असता सुतारपाडा ते आष्टे दरम्यान वळणावर त्याचा मोटरसायकलीवरील ताबा सुटला. त्यामुळे मोटरसायकल रस्त्याच्या कडेला घसरली. विजय कोकणी यांना गंभीर मार लागल्याने त्यांचा जागीच मृत्यू झाला. याबाबत सुरेंद्र सखाराम कोकणी यांच्या फिर्यादीवरून तालुका पोलिसात अपघाताची नोंद करण्यात आली आहे. तपास फौजदार लाला शेवाळे करीत आहे. युवकाचा दुर्देवी मृत्यू झाल्याने मोग्राणी व सुतारपाडा गावात हळहळ व्यक्त करण्यात आली. खास मित्रासाठी विजय हा येथे आला   होता.