ट्रकच्या धडकेत पिता-पुत्राचा मृत्यू

लोकमत न्यूज नेटवर्क
नंदुरबार : धडगाव तालुक्यातील मोजरा गावाजवळ ट्रकने दिलेल्या धडकेत दुचाकीस्वार पिता-पुत्र जागीच ठार झाल्याची घटना रविवारी दुपारी 2 वाजेच्या सुमारास घडली़ अपघात आणखी दोघे जखमी झाले आहेत़ 
जुगलीचा हिरीचापाडा ता़ धडगाव येथील रमेश रेहल्या पावरा (30) यांनी त्यांचा मुलगा अमित पावरा यास भांग्रापाणी ता़ अक्कलकुवा येथील आश्रमशाळेत दाखल केले होत़े दुसरीच्या वर्गात जाणा:या अमित यास शाळेचे साहित्य व इतर वस्तू घेऊन देत गावातीलच रवी काल्या वळवी व सूरज रवि वळवी या पिता-पुत्राला सोबत घेत रमेश पावरा हे दुचाकीने रविवारी दुपारी भांग्रापाणीकडे निघाले होत़े दरम्यान मोजरा गावाजवळ वळणावर भरधाव वेगात येणा:या एमएच 39 सी 9977 या ट्रकने त्यांना धडक दिली़ धडकेत रमेश  व अमित पावरा हे बापलेक जागीच ठार झाले तर दोघे जखमी झाल़े घटनेची माहिती मिळाल्यानंतर परिसरातील नागरिकांनी घटनास्थळी धाव घेत दोघा जखमींना तात्काळ धडगाव येथे दाखल केल़े धडगाव पोलीस ठाण्याचे पोलीस निरीक्षक रवि केल्या वळवी यांनी घटनास्थळी भेट देत माहिती जाणून घेतली़ याबाबत रवि केल्या वळवी यांच्या फिर्यादीवरुन अज्ञात ट्रकचालकाविरोधात गुन्हा दाखल करण्यात आला आह़े जखमी सूरज व त्याचे वडील रवि या दोघांची प्रकृती स्थिर असून त्यांच्यावर उपचार सुरु आह़े