भरधाव ट्रकच्या धडकेत बालक ठार : विसरवाडी गावातील घटना

लोकमत न्यूज नेटवर्क
विसरवाडी : धुळे-सुरत राष्ट्रीय महामार्ग क्रमांक सहा वर विसरवाडी ता़ नवापूर येथे सरपणी नदीच्या पुलाजवळ महामार्ग ओलांडणा:या बालकास भरधाव वेगातील ट्रकने धडक दिल्याने तो जागीच ठार झाला़ रविवारी          दुपारी साडेचार वाजता ही घटना घडली़ 
राष्ट्रीय महामार्ग क्रमांक सहावर विसरवाडी गावाजवळ सरपणी नदीवरील पुलाजवळ दिपक वसंत गावीत (10) रा़ बालहाट ता़ नवापूर हा बालक महामार्ग ओलांडत होता़ त्यावेळी धुळ्याकडून नवापूरकडे भरधाव वेगाने जाणारा ट्रक क्रमांक जीजे 10 टी़व्ही 6269 याने धडक थेट समोरून धडक दिली़ यात दिपक गावीत हा जागीच मयत झाला़ अपघाताची माहिती मिळाल्यानंतर सहायक पोलीस निरीक्षक धनंजय पाटील, पोलीस कर्मचा:यांसह घटनास्थळी दाखल झाले होत़े काहीवेळ दोन्ही बाजूने वाहतूक थांबवण्यात आली होती़ 
एकीकडे नवीन वर्षाच्या स्वागताची तयारी होत असतानाच दुसरीकडे बालकाचा अपघाती मृत्यू झाल्याने हळहळ व्यक्त करण्यात येत आह़े घटनास्थळी दिपक गावीत याच्या नातेवाईकांनी एकच आक्रोश केला होता़ अपघात घडल्यानंतर  ट्रकचालक घटनास्थळी ट्रक सोडून  फरार झाला़ याबाबत वसंत गावीत यांनी दिलेल्या फिर्यादीवरून विसरवाडी पोलीस ठाण्यात गुन्हा दाखल करण्यात आला आह़े पुढील तपास विसरवाडी पोलीस करीत आहेत.