भरधाव ट्रालाच्या धडकेत आयशर उलटले

लोकमत न्यूज नेटवर्क
नवापूर :  भरधाव ट्रालाने धडक दिल्याने आयशर उलटून झालेल्या अपघातात दोनजण जखमी झाल्याची घटना नवापूर येथे घडली. याबाबत नवापूर पोलिसात गुन्हा दाखल करण्यात आला आहे. 
धुळे-सुरत महामार्गावर शहरातील पेट्रोलपंपसमोर ही घटना घडली. सुरतकडून नवापूरकडे येणारा ट्रालाने समोरून येणाऱ्या आयशरला धडक दिली. त्यात आयशर रस्त्याच्या      बाजुला उलटले. त्यात चालक तौसिफअली राैनकअली व सहचालक असे दोनजण जखमी झाले. दोघांना तातडीने उपजिल्हा रुग्णालयात उपचारासाठी दाखल करण्यात आले. सद्या या भागात रस्त्याची अवस्था खराब असल्याने व त्यातच मोठ्या प्रमाणावर रहदारी असल्यामुळे अपघात वाढले आहेत. 
याबाबत भानू करणसिंग कोकणी यांनी फिर्याद दिल्याने ट्राला चालकाविरुद्ध नवापूर पोलीस      ठाण्यात गुन्ह दाखल करण्यात आला आहे. तपास हवालदार प्रमोद वंजारी करीत आहे.