घरापासून हाकेच्या अंतरावरच रायखेडच्या कुटूंबावर काळाचा घाला

 लोकमत न्यूज नेटवर्क
ब्राम्हणपुरी :   हाकेच्या अंतरावर घर असतांना काळाने घाला घातल्याने माय-लेकाला आपला जीव गमवावा लागला तर पाच जणांना गंभीर दुखापतीला सामोरे जावे लागले. आईच्या कुशीत झोपलेल्या तीन वर्षीय बालकाचा करून अंत झाल्याने हळहळ व्यक्त होत      आहे. 
शहादा तालुक्यातील रायखेड   येथील शिंदे कुटुंब शहादा येथे  गोंधळाचा कार्यक्रम आपटून आपल्या घरी रायखेड येथे येत असताना सुलतानपुर फाट्यानजीक कापसाने भरून  ट्रॉली पंचर होऊन रस्त्याचा कडेला उभी होती. अचानक समोरून येणाऱ्या कार चालकाला ट्रॉली दिसुन न आल्याने कार उभ्या ट्रॉली ला धडक दिली. 
धडक   एवढी भयानक होती की कापसाने भरलेली ट्रॉली ने मागील बाजू भर रस्त्यावर येऊन आढळली तर कार चा चक्काचूर झाला असून कार मधील विद्या हर्षल शिंदे (वय २७),अरू हर्षल शिंदे (वय ३वर्ष ) हे उपचारासाठी घेऊन जात असताना मृत्यू झाले असून सुरेश खंडू शिंदे (वय६०),सरोजबाई शिंदे(वय ५४), हर्षल सुरेश शिंदे (३२) हे गंभीर जखमी झाले तर मयूर शिंदे (वय ३४) , यज्ञेश प्रथमेश हरदास ( वय ७) सर्व राहणार रायखेड हे किरकोळ जखमी झाले.
अपघाताची माहिती कुटूंबियांना, नातेवाईकांना मिळताच त्यांनी तात्काळ घटना स्थळी धाव घेतली.
जखमींना तात्काळ सुलतानपुर ,रायखेड, ब्राह्मणपुरी येथील नागरिकांनी शहादा खाजगी दवाखान्यात रवाना केले. घटनास्थळी म्हसावद पोलीस ठाण्याचे पोलीस काँ. बिरारे, जितू पाडवी आदी कर्मचाऱ्यांनी येऊन रस्त्यावरील वाहतूक सुरळीत केली.
शहादा हुन २० किलोमीटर  ब्राह्मणपुरी ओंडालून अवघ्या दोन किलोमीटर अंतरावर असलेल्या आपल्या रायखेड गावी अंतर बाकी होते अन् शिंदे कुटूंबियांवर काळाने घाला घातला.