शहाद्याजवळ अपघातात पती-पत्नी जखमी

लोकमत न्यूज नेटवर्क
शहादा : मोहिदे-शहादा रस्त्यावर शिक्षक कॉलनीला लागून असलेल्या भेंडवा नाल्यालगत रविवारी दुपारी 12 वाजेच्या सुमारास बस व मोटारसायकलची धडक होऊन पती-पत्नी जखमी झाल्याची घटना   घडली.
शहादा आगाराची फेस ते शहादा ही बस (क्रमांक एम.एच.04- 9046) शहादाकडे येत असताना म्हसावद येथून मामाचे मोहिदे येथे मोटारसायकलीने (एम.एच.39 एच-7478) अजय ठाकरे त्यांची प}ी मोगा ठाकरे व दोन मुलांसह जात   होते. 
शिक्षक कॉलनीला लागून असलेल्या भेंडवा नाल्याच्यापुढे समोरून येणा:या बसला धडक दिली. यात मोगा ठाकरे हिच्या डोक्याला मार लागल्याने ती बेशुद्ध झाली. त्यामुळे एकच खळबळ उडाली.
घटनेची माहिती मिळताच सहायक पोलीस निरीक्षक राजेश पाटील व पोलीस कर्मचारी यांनी घटनास्थळी  भेट दिली  व जखमी झालेल्या अजय ठाकरे व मोगा ठाकरे यांना खाजगी रुग्णालयात दाखल करण्यात आले आहे.