चार लाखांसाठी विवाहितेचा छळ

लोकमत न्यूज नेटवर्क
नंदुरबार : कार घेण्यासाठी माहेरून चार लाख रुपये आणावे व चारित्र्याचा संशयावरून सासरच्या लोकांनी विवाहितेचा छळ केल्याप्रकरणी आठ जणांविरुद्ध धडगाव पोलिसात गुन्हा दाखल करण्यात आला आहे.
धनाजे येथील सोनिया सत्तरसिंग पावरा या महिलेचा विवाह धनाजे येथीलच सत्तरसिंग बादऱ्या पावरा यांच्याशी २०१७ मध्ये झाला होता. विवाहानंतर महिलेकडून चारचाकी वाहन खरेदीसाठी चार लाख रुपयांची मागणी केली जात होती. त्यासाठी तिच्यावर चारित्र्याचा संशयही घेतला जात होता. वेळोवेळी मारहाण करणे, शिविगाळ करणे असे प्रकार सुरू होते. या छळाला कंटाळून सोनिया यांनी धडगाव पोलिसात फिर्याद दिली.
त्यांच्या फिर्यादीवरून सत्तरसिंग बादºया पावरा, बादºया कालशा पावरा, तारखीबाई बादºया पावरा, मानसिंग बादºया पावरा, उत्तम बादºया पावरा, सहेली उत्तम पावरा, सुभाष बादºया पावरा, शकुंतला कैलास पावरा सर्व रा. धनाजे बुद्रूक, ता. धडगाव यांच्या विरुद्ध धडगाव पोलिसात गुन्हा दाखल करण्यात आला आहे. तपास हवालदार चेतन साळवे करीत आहे.