शांततेचा पायंडा नंदुरबारकरांनी कायम ठेवावा : पोलीस अधीक्षक

रघुवंशी पुढे म्हणाले की, प्रशासनाला शिस्त लावण्याचे काम महेंद्र पंडित यांनी केले. समाजाला नियंत्रित ठेवण्याचे काम केवळ पोलीस विभाग करतो. पोलिसांमुळेच सर्वजण सुरक्षित राहतात. भविष्यातदेखील नंदुरबारात शांतता ठेवण्याचे काम पोलीस प्रशासनाबरोबर लोकप्रतिनिधी व जनतेचेदेखील कर्तव्य आहे. पोलीस प्रशासनाची प्रतिमा उंचावण्याचे काम मावळते पोलीस अधीक्षक महेंद्र पंडित यांनी केल्याचे सांगितले.

राष्ट्रवादी काँग्रेस पार्टीचे जिल्हाध्यक्ष डॉ. अभिजित मोरे, भाजपा जिल्हाध्यक्ष विजय चौधरी, काँग्रेसचे कार्याध्यक्ष दिलीप नाईक, माजी संपर्कप्रमुख दीपक गवते यांनीदेखील मनोगत व्यक्त केले. उपनगराध्यक्ष रवींद्र पवार, शिवसेना युवती जिल्हाध्यक्षा मालती वळवी, अपर पोलीस अधीक्षक विजय पवार, डीवायएसपी सचिन हिरे, शहर पोलीस निरीक्षक किरणकुमार खेडकर, एलसीबीचे निरीक्षक रवींद्र कळमकर, राहुल पवार, अविनाश मोरे, नरेंद्र भदाणे, मौलाना हाफिज अब्दुल्ला, मौलाना जकरिया रहमानी आदींसह शांतता कमिटी सदस्य व विविध समाजांचे पदाधिकारी उपस्थित होते.