शहाद्यात रावण दहन कार्यक्रमाची तयारी सुरू

लोकमत न्यूज नेटवर्क
शहादा : शहरातील श्री प्रेस  मारुती मंदिराच्या प्रांगणात विजयादशमीला रावण दहन कार्यक्रमाचे नियोजन करण्यात येत आहे. त्यानिमित्त प्रवेशद्वार व मंदिरावर विद्युत रोशणाई करण्यात आली आहे.
शहरातील दोंडाईचा रस्त्यावर सुमारे 250 वर्षापूर्वीचे श्री प्रेस मारुती मंदिर आहे. शहर व परिसरातील भाविकांचे प्रेस मारुती श्रद्धास्थान आहे.  मंदिर संस्थानचे मुख्य  विश्वस्त रोहिदास चौधरी हे  देखभाल करतात. नवरात्रोत्सवानिमित्त मंदिर परिसरात सुशोभिकरण व विद्युत रोशणाईने सजवले जाते. शहराच्या बाहेर असलेल्या या मंदिरावर विजयादशमीला सिमोल्लंघनासाठी येतात. तसेच भजनाच्या कार्यक्रमासह सायंकाळी रावण दहनचा  कार्यक्रम होतो. शहरातील श्री शिवछत्रपती ग्रुपच्या वतीने रावण  दहन कार्यक्रमाचे आयोजन  करण्यात येते. यंदाही हा कार्यक्रम होणार असून आयोजकांकडून तयारी सुरू आहे.