नंदुरबारात गळफास घेत युवकाची आत्महत्या

नंदुरबार : शहरातील एकता नगर भागात राहणाऱ्या १९ वर्षीय युवकाने विवाह होत नसल्याच्या नैराश्यातून आत्महत्या केल्याची घटना मंगळवारी सकाळी घडली़ माळीवाडा भागातील रेल्वे पट्ट्यानजीक झाडावर त्याचा गळफास घेतलेला मृतदेह दिसून आल्यानंतर एकच खळबळ उडाली होती़
दिनेश मनोज पाटील असे मयताचे नाव असून तो एकता नगरातील रहिवासी आहे़ मंगळवारी सकाळी घराबाहेर पडला होता़ यानंतर त्याने थेट माळीवाडा परिसरातील रेल्वे पट्ट्यालगतच्या झाडावर चढून गळफास घेत आत्महत्या केली़ गणेश पाटील यांच्या खबरीवरुन नंदुरबार शहर पोलीस ठाण्यात अकस्मात मृत्यूची नोंद करण्यात आली आहे़