ट्रकच्या धडकेत दुचाकीवरील युवती ठार

लोकमत ऑनलाईन न्यूज
नंदुरबार : भरधाव ट्रकने धडक दिल्याने मोटरसायकलीवरील युवती जागीच ठार झाल्याची घटना नवापूरात घडली. ट्रक चालकाविरुद्ध गुन्हा दाखल करण्यात आला आहे. 
हिना नरेश काथुड (17) असे मयत युवतीचे नाव आहे. तर जयेश बालु गावीत (17) हा युवक जखमी झाला आहे. पोलीस सूत्रांनुसार, बंधारपाडा येथील जयेश बालू गावीत हा युवक जामकी, ता.उच्चल येथील हिना नरेश काथुड या आपल्या नातेवाईक युवतीस आपल्या मोटरसायकलीवर (क्रमांक जीजे 26 पी 1700) बसवून नवापूरकडे येत होता. त्यावेळी फॉरेस्ट चेक नाक्याजवळ समोरून येणा:या भरधाव ट्रकने (क्रमांक एमपी 3615) धडक दिली. त्यात हिना काथूड ही युवती जागीच ठार झाली तर जयेश गावीत हा जखमी झाला. अपघातानंतर ट्रकचालक तेथून पसार झाला. याबाबत बालू शांतिलाल गावीत यांनी फिर्याद दिल्याने नवापूर पोलीस ठाण्यात गुन्हा दाखल करण्यात आला आहे.