नंदुरबार तालुक्यातील आष्टे येथे महिलेस भरधाव वाहनाने उडविले

नंदुरबार : नंदुरबार तालुक्यातील आष्टे येथे रस्ता ओलांडत असताना ज्योती प्रवीण सूर्यवंशी (वय ३०, रा़ चिपलीपाडा ता़ साक्री जि़ धुळे) या महिलेला भरधाव जाणाऱ्या पीकअप वाहनाने (एमएच १८ एए ३०७६) उडविले़ यात महिला जागीच ठार झाली़ तर सोबत असलेला बालक मात्र सुरक्षित आहे़
दरम्यान, परिसरात एकही स्पीडब्रेकर नसल्याने वाहने भरधाव वेगाने जात असतात़ त्यामुळे अनेक वेळा अपघात घडत असतात़ बुधवारी सकाळच्या सुमारास ज्योती सूर्यवंशी या आष्टे शिवारातील मुख्य रस्ता ओलांडत असताना भरधाव वेगाने जाणाऱ्या पीकअप वाहनाने त्यांना जोरधार धडक दिली़ अपघातात त्या जागीच ठार झाल्या़ त्याच्या सोबत असलेला बालक मात्र अपघातातून बचावला आहे़ दरम्यान, अपघात होताच परिसरातील ग्रामस्थांनी टायर जाळक रास्ता रोको आंदोलन केले़ तसेच या ठिकाणी गतीरोधक बसविण्यात यावे अशी मागणी केली़ अपघात झाल्यानंतर पीकअप वाहन चालक घटनास्थळावरुन पसार झाला असून गुन्हा नोंदविण्याची कार्यवाही सुरु होती़