वाहनांच्या धडकेत महिला व बालिका ठार

नंदुरबार : धडगाव तालुक्यातील सुरवाणी आणि नंदुरबार शहरालगत वळणरस्ता याठिकाणी झालेल्या वेगवेगळ्या अपघातात बालिका आणि महिला ठार झाल्याची    घटना घडली़ दोन्ही घटना शुक्रवारी घडल्या़ या दोन्ही घटनांची              पोलीस ठाण्यात नोंद करण्यात आली आह़े
नंदुरबार तालुक्यातील होळ तर्फे हवेली येथील रहिवासी रूषाबाई गणपत कोतवाल (55) ह्या नंदुरबार शहरालगतच्या धुळे शहराकडे जाणा:या वळणरस्त्यावरून करण चौफुली येथून उड्डाणपुलाकडे दुपारच्या सुमारास पायी जात            होत्या़ यावेळी मागून येणा:या चारचाकी वाहन (क्रमांक एम़एच़12 जीव्ही 6995) रूषाबाई           कोतवाल यांना जोरदार धडक दिली़ यात त्यांचा घटनास्थळी मृत्यू         झाला़
याबाबत दशरथ सुका गावीत यांनी नंदुरबार शहर पोलीस ठाण्यात दिलेल्या फिर्यादीवरून चारचाकी वाहनचालकाविरोधात गुन्हा दाखल करण्यात आला आह़े वाहनचालक घटनास्थळावर वाहन सोडून फरार झाल्याची माहिती आह़े शहर पोलीस त्याचा शोध घेत आहेत़ धडक देणारे वाहन नंदुरबार शहर पोलिसांनी ताब्यात घेतल्याची माहिती देण्यात आली आह़े

धडगाव तालुक्यातील मोठी सुरवाणी येथील शेवंतीबाई दारासिंग पाडवी व त्यांची मुलगी प्रतिभा दारासिंग पाडवी या दोन्ही मायलेकी शुक्रवारी रात्री आठ वाजेच्या सुमारास घराकडे पायी जात असताना, रस्त्यावर असलेल्या मोबाईल टावर जवळ मागून येणा:या दुचाकीने दोघांना धडक दिली़ यात प्रतिभा हिला गंभीर दुखापत झाल्याने तिचा घटनास्थळी मृत्यू झाला तर शेवंतीबाई यांना दुखापत झाली़
याबाबत बालिकेचे वडील दारासिंग खाल्या पाडवी यांच्या फिर्यादीवरून धडगाव पोलीस ठाण्यात गुन्हा दाखल करण्यात आला आह़े या घटनेमुळे मोठी सुरवाणी व मुंदलवड परिसरात हळहळ व्यक्त करण्यात येत आह़े