महिलेचा विनयभंग करत मुलाला मारहाण

लोकमत न्यूज नेटवर्क
नंदुरबार : तालुक्यातील कोरीट येथे महिलेचा विनयभंग करत तिच्या मुलाला तिघांनी मारहाण केल्याची घटना रविवारी सायंकाळी सहा वाजेच्या सुमारास घडली होती़  
कोरीट येथील महिलेच्या मालकीच्या जागेवर दादाभाई माणिक कोळी, प्रविण माणिक कोळी व माणिक रतन कोळी हे बांधकाम करत असल्याने महिलेने त्यांना जाब विचारला होता़ याचा राग आल्याने दादाभाई कोळी याने महिलेचा विनयभंग करत शिवीगाळ केली़ तसेच इतर दोघांनी महिलेच्या मुलाला मारहाण करत जिवे ठार मारण्याची धमकी दिली़ 
पिडित महिलेने तालुका पोलीस ठाण्यात दिलेल्या फिर्यादीवरुन तिघा संशयितांविरोधात गुन्हा दाखल असून तपास उपनिरीक्षक हर्षल बागल करत आहेत़ तिघा संशयितांना पोलीसांनी सोमवारी सायंकाळी पाच वाजेच्या सुमारास अटक केली होती़