नंदुरबारात तरुणाईने लुटला यांत्रिकी पोळ्याचा आनंद

लोकमत न्यूज नेटवर्क
नंदुरबार : शेतीत यांत्रिकीकरणाच्या  वापरामुळे बैलांची संख्या कमी झाल्याने बळीराजाचा सण साजरा करण्यासाठी येथील तरुण शेतक:यांनी लहान ट्रॅक्टरची मिरवणूक काढून अनोखा आनंद लुटला. 
यंदा अतिवृष्टीमुळे असंख्य शेतक:यांचे शेतातील पिकांचे नुकसान झाले आहे. त्यामुळे खरीप हंगामाच्या उत्पन्नात मोठी घट होणार असल्याने शेतक:यांमध्ये चिंतेचे वातावरण असताना पोळ्याचा सण साजरा झाला. त्यासाठी सकाळपासून शेतक:यांमध्ये आनंदाचे वातावरण होते. बहुतांश शेतक:यांकडे बैल नाहीत. यांत्रिकीकरणाचा वापर वाढल्याने असंख्य शेतक:यांनी बैल विक्री केले आहेत. त्याऐवजी शेतक:यांच्या दारी छोटे ट्रॅक्टर दिसून येते. हे ट्रॅक्टरच ‘सर्जा राजा’चे काम करीत असल्याने या भागातील शेतकरी ज्यांच्याकडे बैल नाहीत ते बैलांऐवजी ट्रॅक्टरची पूजा करून मिरवणूक काढण्याची प्रथा गेल्या चार-पाच वर्षापासून रुढ झाली आहे. यावर्षी देखील नंदुरबार जिल्ह्यातील अनेक गावांमध्ये सायंकाळी ट्रॅक्टरची मिरवणूक काढण्यात आली. नंदुरबार शहरातील माळीवाडा भागातील तरुण शेतक:यांनी ट्रॅक्टर सजवून त्याची वाजत-गाजत शहरातून मिरवणूक काढली. शहरवासीयांसाठी ही मिरवणूक लक्षवेधी ठरली होती.