जामनापाडा येथे युवकाची आत्महत्या

लोकमत न्यूज नेटवर्क
विसरवाडी:  नवापूर तालुक्यातील जामनपाडा येथील युवकाने दारूच्या नशेत गळफास घेऊन आत्महत्या केल्याची घटना घडली. याबाबत विसरवाडी पोलीस ठाण्यात अकस्मात मृत्यूची नोंद करण्यात आली आहे.
पोलीस सूत्रानुसार, हेमंत कृष्णा गावीत (३२, रा.जामनपाडा, ता.नवापूर) या युवकाने रविवारी पहाटे चार ते साडेचार वाजेच्या दरम्यान दारूच्या नशेत जामनपाडा गावातील त्याच्या राहत्या घरासमोर असलेल्या सुळबाभळाच्या झाडाला सुताच्या दोरीने गळफास लावून आत्महत्या केली. विसरवाडी येथील ग्रामीण रुग्णालयात दाखल केले असता वैद्यकीय सूत्रांनी मृत घोषित केले. 
याबाबत विसरवाडी पोलीस ठाण्यात मयताचे वडील कृष्णा वाड्या गावीत यांनी दिलेल्या खबरीवरून अकस्मात मृत्यूची नोंद करण्यात आली आहे. पुढील तपास सहायक पोलीस निरीक्षक संदीप पाटील यांच्या मार्गदर्शनाखाली हवालदार अरुण कोकणी हे करीत आहेत.