जिल्ह्यात दिवसभरात २९९५ कोरोनाबाधित
By लोकमत न्यूज नेटवर्क | Published: March 29, 2021 01:35 AM2021-03-29T01:35:55+5:302021-03-29T01:37:18+5:30
जिल्ह्यात रविवारी (दि.२८) एकूण २९९५ रुग्ण बाधित आढळून आले असून एकाच दिवसात १८ जणांचा बळी गेल्याने बळींची संख्या २३२६ वर पोहोचली आहे.
जिल्ह्यात दिवसभरात २९९५ कोरोनाबाधित
नाशिक : जिल्ह्यात रविवारी (दि.२८) एकूण २९९५ रुग्ण बाधित आढळून आले असून एकाच दिवसात १८ जणांचा बळी गेल्याने बळींची संख्या २३२६ वर पोहोचली आहे.
जिल्ह्यात कोरोनाचे संकट कायम असून रविवारी तीन हजारा नजीक बाधित रुग्ण आढळले आहेत. त्यात महानगरपालिका क्षेत्रात १८९०, ग्रामीण मध्ये ९१७, मालेगाव ७८ तर जिल्हा बाह्य क्षेत्रामध्ये ४० रुग्ण बाधित आढळून आले. त्यामुळे उपचाराथी रुग्णांची संख्या तब्बल २४९७८ वर पोहोचली आहे.
२१७९ कोरोना मुक्त
जिल्ह्यात कोरोना रुग्ण बरे होण्याचे प्रमाण देखील कमी झाले असून रविवारी हे प्रमाण ८५ टक्केखाली ८४.११ वर आले आहे. दरम्यान जिल्ह्यात २१७९ रुग्ण कोरोना मुक्त झाले आहेत. रविवारी बळी गेलेल्या नागरिकांपैकी ८ नागरिक नाशिक मनपा क्षेत्रातील ६ नाशिक ग्रामीण मधील तर ४ जण मालेगाव मनपा क्षेत्रातील आहेत. शहरासह जिल्ह्यातील रुग्णांना देखील ऑक्सीजन बेड किंवा व्हेंटिलेटर मिळणे जिकरीचे होऊ लागले आहे.
