तब्बल ३३ वर्षांनी भेटले शालेय जीवनातील सवंगडी

सिन्नर : शालेय जीवनातील अनेक प्रसंगांच्या एक ना अनेक आठवणींना उजाळा देत तब्बल ३३ वर्षांनंतर लोकनेते शं. बा. वाजे विद्यालयातील माजी विद्यार्थी-विद्यार्थिनींचा स्मृतिगंध दरवळला.
पंचवटी मोटेल्समधील सभागृहामध्ये वाजे विद्यालयातील १९८६ च्या दहावी बॅचच्या माजी विद्यार्थ्यांचा स्नेहमेळावा पार पडला. ३३ वर्षांनंतर म्हणजे वयाच्या पन्नाशीत मित्र-मैत्रिणींच्या भेटी झाल्या. विद्यार्थिदशेतील परिस्थिती, प्रसंग आठवत नव्याने ओळख करून द्यावी लागत होती. पती, पत्नी, मुलंबाळं, नोकरी, व्यवसाय आदी विषयांवर चर्चा होऊ लागली. ओळख करून देताना गंमत येत होती.