आनंद सोनार यांचे जहांगीर गॅलरीत प्रदर्शन

आनंद सोनार यांचे जहांगीर गॅलरीत प्रदर्शन

नाशिक : ज्येष्ठ चित्रकार आनंद सोनार यांच्या चित्रांचे चौदावे एकल चित्रप्रदर्शन मुंबईतील जहांगीर आर्ट गॅलरीत दि. १५ ते २१ डिसेंबर या कालावधीत भरणार आहे.
भारतीय अलंकारिक शैलित चित्रनिर्मिती करणारे चित्रकार आनंद सोनार यांनी भारतीय संस्कृती, सण, उत्सव, मेळावे व धार्मिक कथा यातून निवडलेल्या विषय-प्रसंगातून स्वकल्पनेने चित्रे चितारली आहेत. चित्रतपस्वी स्व. वा. गो. कुलकर्णी यांनी पेठ येथील शासकीय सेवेतून सोनार यांना नाशिकला आणले. त्यांच्या मार्गदर्शनाखाली वयाच्या ४०व्या वर्षी स्वत:ची कलाक्षेत्रात प्रगती करत त्यांनी पेटिंगचा डिप्लोमा पूर्ण केला. चिकाटी व सातत्याने चित्र निर्मिती करत दुर्मिळ झालेल्या भारतीय अलंकारिक शैलीला पुन्हा प्रकाशात आणण्याचे काम केले. १९७७ ते २०१५ या कालावधीत त्यांची विक्रमी चौदा एकल चित्रप्रदर्शने मुंबईत झाली आहेत. (प्रतिनिधी)