तळवाडे सरपंचपदी आरखडे तर उपसरपंचपदी शेख बिनविरोध

येवला : तालुक्यातील तळवाडे ग्रामपंचायत सरपंचपदी संतोष आरखडे, तर उपसरपंचपदी इरफान शेक यांची बिनविरोध निवड झाली आहे.

ठळक मुद्देनवनिर्वाचित सरपंच, उपसरपंच यांचा ग्रामस्थांच्या वतीने सत्कार करण्यात आला.

येवला : तालुक्यातील तळवाडे ग्रामपंचायत सरपंचपदी संतोष आरखडे, तर उपसरपंचपदी इरफान शेक यांची बिनविरोध निवड झाली आहे.

तळवाडे ग्रामपंचायत निवडणुकीत कोणत्याही पॅनलला स्पष्ट बहुमत नसल्याने, सरपंचपदाची माळ कोणाच्या गळ्यात पडणार, याबाबत मोठी उत्सुकता होती. या निमित्ताने गावातील राजकीय वातावरणही चांगलेच तापले होते. शेवटच्या टप्प्यात वसीम शेख यांनी खेळी करत राजकीय समीकरण बदलले. निवडणूक निर्णय अधिकारी म्हणून बी.के. अहीरे यांनी काम पाहिले. सभेस ग्रामपंचायत सदस्य नजमाबी पटेल, शमाबी शेख, लिलाबाई चव्हाण आदी उपस्थित होते.

दरम्यान, नवनिर्वाचित सरपंच, उपसरपंच यांचा ग्रामस्थांच्या वतीने सत्कार करण्यात आला. याप्रसंगी साहेबराव आरखडे, जमील पटेल, एजाज शेख, आमीरखा पटेल, संतोष चव्हाण, अशोक पगारे, हाकीम पटेल, कैलास आरखडे, एकनाथ भोसले, शकील पटेल आदींसह ग्रामस्थ उपस्थित होते.

(१३ तळवाडे)