इंधन दरवाढीच्या निषेधार्थ सेनेची घोषणाबाजी

----

पंचवटीत गाजरे वाटप

पंचवटीत मालेगाव स्टँड येथील पेट्रोल पंपावर शिवसैनिक दिलीप मोरे यांच्या नेतृत्वाखाली पंपावर इंधन भरण्यासाठी आलेल्या ग्राहकांना गाजर व मुळे वाटून इंधन दरवाढीच्या निषेधार्थ केंद्र सरकारच्या विरोधात आंदोलन करण्यात आले. याप्रसंगी दिलीप मोरे, सचिन पिंगळे, संजय थोरवे, सचिन परदेशी, नितीन जीवडे, चंद्रकांत ढगे शरद चव्हाण चांगदेव गुंजाळ सुनील निरगुडे, उपस्थित होते.

----

नेते आले घरा...

गेल्या काही महिन्यांपासून सुस्तावलेल्या शिवसेनेने पक्षाचे नेते नाशकात दाखल होताच आंदोलन केल्याने त्याची चर्चा होऊ लागली आहे. शनिवारी संपर्क नेते खासदार संजय राऊत व संपर्क प्रमुख भाऊसाहेब चौधरी हे दोघेही नाशिक दौऱ्यावर असल्याची संधी साधून सदरचे आंदोलन करण्यात आल्याचे बोलले जात असून, गेल्या काही महिन्यांपासून पक्षातील पदाधिकारी, कार्यकर्त्यांमध्ये आलेली मरगळ त्यानिमित्ताने दूर झाल्याचे चर्चा शिवसैनिक करीत आहेत.