अमली औषधे बाळगल्याप्रकरणी अटक

मालेगाव : शहरातील हकीमनगर भागात  मानवी जीवितास अपायकारक गुंगी आणणारी औषधे  लोकांना विक्री करण्याच्या उद्देशाने विना परवाना बेकायदेशीर रित्या कब्जात  बाळगल्याप्रकरणी  नदीम अख्तर  मोहंमद सलीम (४१,रा. हकीमनगर ग.नं.६) व वसीम अख्तर मोहंमद सलीम (रा. हकीम नगर ग.नं. ७) यांच्या विरोधात आझादनगर पोलिसात गुन्हा दाखल करण्यात आला.
 नाशिकचे औषध निरीक्षण  अन्न व औषध   प्रशासन विभागाचे औषध निरीक्षक महेश विनायकराव देशपांडे यांनी फिर्याद दिली. 
पोलिसांनी आरोपी नदीम अख्तरला अटक केली असून वसीम अख्तर 
फरार झाला आहे. त्यांच्या ताब्यातून ७ हजार २०० रुपये किमतीच्या  कोटेक्स कफ सायरपच्या ६० बॉटल्यांसह १४ हजार ७२० रुपयांचा मुद्देमाल जप्त करण्यात आला. अधिक तपास  सहायक पोलिस निरीक्षक आव्हाड करीत आहेत.