देशमाने येथे आशा, अंगणवाडी सेविकांचा सन्मान

पंचायत समिती सदस्य लक्ष्मीबाई गरूड यांनी सदर उपक्रमाचे आयोजन केले होते. कार्यक्रमाच्या अध्यक्षस्थानी सभापती प्रवीण गायकवाड हे होते. तर प्रमुख अतिथी म्हणून जिल्हा परिषद कृषी व पशुसंवर्धन समिती सभापती संजय बनकर, सरपंच प्रमोद दुघड, भाऊसाहेब गरूड आदी उपस्थित होते. मान्यवरांचे हस्ते अंगणवाडी सेविकांचा यावेळी सन्मानपत्र देऊन गौरव करण्यात आला. कोरोना महामारीच्या पहिली लाटेत एखाद्या घरामध्ये कोरोना रुग्ण आढळून आला किंवा दगावले तर त्यांच्या परिवारातील रक्तात नाते असलेले लोकसुद्धा जवळ येत नव्हते, अशा परिस्थितीत आपल्या जिवाची, परिवाराची पर्वा न करता सर्वेक्षण करण्याचे काम आशा व अंगणवाडी सेविकांनी केली आहे, म्हणून खऱ्या अर्थाने या कोविड योद्धा असल्याचे सभापती बनकर, गरूड यांनी यावेळी बोलताना सांगितले. पोषण आहार महा अभियान शुभारंभ सभापती संजय बनकर, सभापती गायकवाड यांच्या हस्ते करण्यात आला. प्रकल्प अधिकारी उमेश बनकर यांनी आहाराबाबत मार्गदर्शन केले.

(१७ येवला १)

170921\17nsk_7_17092021_13.jpg

१७ येवला १