भारतीय वायुसेनेला ‘भोसला’चा सॅल्यूट

भारतीय वायुसेनेच्या जवानांनी लढाऊ मिराजद्वारे पाकव्याप्त काश्मिरात घुसून केलेल्या बॉम्बहल्ल्यात दहशतवाद्यांचे तळ नेस्तनाबूत झाले. या कारवाईबद्दल भारतीय वायुसेनेला मध्यवर्ती हिंदू सैनिकी शिक्षण मंडळाच्या भोसला शाळेच्या विद्यार्थ्यांनी जल्लोष करत ‘सॅल्यूट’ केला.

नाशिक : भारतीय वायुसेनेच्या जवानांनी लढाऊ मिराजद्वारे पाकव्याप्त काश्मिरात घुसून केलेल्या बॉम्बहल्ल्यात दहशतवाद्यांचे तळ नेस्तनाबूत झाले. या कारवाईबद्दल भारतीय वायुसेनेला मध्यवर्ती हिंदू सैनिकी शिक्षण मंडळाच्या भोसला शाळेच्या विद्यार्थ्यांनी जल्लोष करत ‘सॅल्यूट’ केला.
‘भारत मात की जय’, ‘पाकिस्तान मुर्दाबाद’, ‘भारतीय सेना जिंदाबाद’च्या घोषणा देत विद्यार्थ्यांनी हातात तिरंगा घेऊन ‘हाउ इज द जोश’ म्हणत जल्लोष केला. शाळेच्या आवारात असलेल्या जुन्या रणगाड्यांवर उभे राहून भोसलाच्या विद्यार्थ्यांनी देशसेवेचे स्फूर्लिंग आमच्या मनामनात प्रज्वलित असल्याचे दाखवून दिले.
राष्ट्र सेवेची परंपरा असलेल्या या संस्थेच्या माध्यमातून शिक्षण घेतलेल्या अनेक विद्यार्थ्यांनी यापूर्वी भारत-पाक युद्धात सहभाग नोंदविला असल्याचा दावा संस्थाचालकांकडून करण्यात आला. दरम्यान, विद्यार्थ्यांनी पुलवामा हल्ल्यातील हुतात्मा जवानांच्या बलिदानाचा भारतीय वायुसेनेने बदला घेतल्याची भावना यावेळी बोलून दाखविली.