शहरात दुचाकी चोरीचे सत्र सुरूच, एकाच दिवसात दोन गुन्हे दाखल

नाशिक : शहरात दुचाकी चोरीचे सत्र सुरूच असून, गुरुवारी (दि. १०) एकाच दिवसात दोन मोटरसायकली चोरीला गेल्याप्रकरणी पंचवटी व इंदिरानगर पोलीस ठाण्यांमध्ये तक्रारी दाखल करण्यात आल्या आहेत.

पहिली घटना अमृतधाम मेरी लिंक रोडवर घडली. या प्रकरणी तन्वीर रशिद शेख (रा. मुंबई नाका) यांनी पंचवटी पोलीस ठाण्यात फिर्याद दिली आहे. शेख यांनी त्यांची मोटरसायकल (क्र. एमएच १५ बीवाय ३५८१) अमृतधाम लिंक रोडवरील एका कार्यालयासमोर पार्क केली होती. अज्ञात चोरट्याने ही मोटरसायकल चोरून नेली.

दुसरी घटना राजीवनगर परिसरात घडली. या प्रकरणी नीलकंठ राम शेट्टी (रा. राजीवनगर) यांनी इंदिरानगर पोलीस ठाण्यात फिर्याद दिली आहे. नीलकंठ यांनी त्यांची मोटरसायकल (क्र. एमएच १५ जीपी ३८७४) ही अज्ञात चोरट्याने चोरून नेली.