खिरकडेच्या बिरसा मुंडा संघाने जिंकला देवरत्न व्हॉलीबॉल चषक

पेठ : तरुण मित्रमंडळ व सोशल नेटवर्किंग फोरम यांच्या संयुक्त विद्यमाने हरणगाव येथे आयोजित केलेला देवरत्न व्हॉलीबॉल चषक खिरकडे येथील बिरसा मुंडा संघाने जिंकून प्रथम क्रमांकाचे पारितोषिक पटकावले.

हरणगाव येथे देवरत्न चषक व्हॉलीबॉल स्पर्धेचे उद्घाटन गोकुळ नरहरी झिरवाळ यांच्या हस्ते करण्यात आले. याप्रसंगी सरपंच हिरामण पवार, गिरीधर वाघेरे, गोवर्धन गायकवाड, डी.पी. जाधव, डी.पी. भरसट, विजय भरसट, नामदेव जाधव, प्रशांत जाधव, बाळू जाधव, चेतन महाले यांच्यासह तरुण मित्रमंडळ, खेळाडू व ग्रामस्थ उपस्थित होते. या स्पर्धेत बिरसा मुंडा, खिरकडे (प्रथम), जांबविहीर (द्वितीय), फणसपाडा (तृतीय) तर हरणगावने चतुर्थ क्रमांक पटकावला. सोशल नेटवर्किंग फोरमचे अध्यक्ष प्रमोद गायकवाड यांच्या माध्यमातून विजयी संघांना सन्मानचिन्ह प्रदान करण्यात आले. जिल्ह्यातील ५७ संघांनी यामध्ये सहभाग घेत आपल्या उत्कृष्ट खेळाचे प्रदर्शन केले.