दोन वेगवेगळ्या घटनांत दोघांचा मृत्यू ं

दोन वेगवेगळ्या घटनांत दोघांचा मृत्यू ं

मालेगाव : तालुक्यातील चौकटपाडे आणि मांजरे येथे दोन वेगवेगळ्या घटनांत दोघांचा मृत्यू झाला. चौकटपाडे येथील अनिल शांताराम पारखे (२२) हा रविवारी सकाळी सव्वाआठ वाजेच्या सुमारास जेऊर शिवारातील शेतात काम करीत असताना, विजेचा धक्का लागल्याने त्याचा मृत्यू झाला. सामान्य रुग्णालयात उपचारार्थ दाखल केले असता, डॉक्टरांनी त्यास मृत घोषित केले. हवालदार गुंजाळ यांनी तालुका पोलिसात खबर दिली. पोलिसांत अकस्मात मृत्यूची नोंद केली आहे. अधिक तपास पोलीस नाईक डोंगरे करीत आहेत, तर तालुक्यातील मांजरे येथे केशव अभिमन निकम (२९) हा शेतातील विहिरीजवळून जात असताना फिट आल्याने विहिरीत पडून मरण पावला. त्याचा भाऊ देवीदास निकम याने तालुका पोलिसांत खबर दिली. अधिक तपास जमादार मोरे करीत आहेत.(प्रतिनिधी)