सायकलवरून ब्रह्मगिरीला फेरी

नाशिक महानगरपालिका आणि नाशिक सायकलिस्ट यांच्या संयुक्त विद्यमाने रविवारी (दि. ६) ‘महापौर सायक्लोथॉन’ स्पर्धा मोठ्या उत्साहात पार पडली. नाशिक ते त्र्यंबक या मार्गावर घेण्यात आलेल्या स्पर्धेत ८० हून अधिक सायकलिस्ट सहभागी झाले होते.

नाशिक : नाशिक महानगरपालिका आणि नाशिक सायकलिस्ट यांच्या संयुक्त विद्यमाने रविवारी (दि. ६) ‘महापौर सायक्लोथॉन’ स्पर्धा मोठ्या उत्साहात पार पडली. नाशिक ते त्र्यंबक या मार्गावर घेण्यात आलेल्या स्पर्धेत ८० हून अधिक सायकलिस्ट सहभागी झाले होते.
गोल्फ क्लब मैदान येथे उपमहापौर प्रथमेश गिते, मनपाचे मुख्य अभियंता यू. बी. पवार, नाशिक सायकलिस्टचे शैलेश राजहंस यांच्या प्रमुख उपस्थितीत या रॅलीला झेंडा दाखवून सुरुवात करण्यात आली. नाशिक ते त्र्यंबकेश्वरसह ब्रह्मगिरी पर्वतावर २० किमी अशी एकूण ७५ किमी अंतरावर ही स्पर्धा घेण्यात आली. सकाळी ६ वाजता सायकलिस्टने एकत्र येत त्र्यंबककडे कूच केले. श्रावण महिन्यातील तिसºया सोमवारचे औचित्य साधून या महापौर सायक्लोथॉनचे आयोजन करण्यात आले होते. या सायक्लोथॉन दरम्यान ठिकठिकाणी आरोग्य सुविधेसह पाण्याचीदेखील व्यवस्था करण्यात आली होती. दुपारी १ वाजता या महापौर सायक्लोथॉनचा समारोप करण्यात आला. यावेळी मनपा प्रशासनातील अधिकारी, कर्मचारी यांच्यासह नाशिक सायकलिस्टचे पदाधिकारी उपस्थित होते.