सोनसाखळी खेचून दुचाकीस्वारांचा पोबारा

श्रीरामनगर, विनयनगर परिसरातील एका ज्येष्ठ नागरिकाच्या गळ्यातून सोन्याची साखळी खेचून अज्ञात दुचाकीस्वारांनी पोबारा केल्याची घटना बुधवारी (दि.१३) घडली.

नाशिक : श्रीरामनगर, विनयनगर परिसरातील एका ज्येष्ठ नागरिकाच्या गळ्यातून सोन्याची साखळी खेचून अज्ञात दुचाकीस्वारांनी पोबारा केल्याची घटना बुधवारी (दि.१३) घडली.
श्रीरामनगर, विनयनगर परिसरातील चौरंग अपार्टमेंटमधील रहिवासी किशोर बाळकृष्ण जोशी (६५) हे बुधवारी सकाळी ९ वाजेच्या सुमारास झाडांना पाणी देत असताना हा प्रकार घडला. यावेळी एका काळ्या रंगाच्या दुचाकीवरून ३० ते ३५ वयोगटांतील दोन तरुण इमारतीच्या आवारात आले. त्यातील दुचाकी चालविणाऱ्या तरुणाने काळ्या रंगाचे हेल्मेट घातलेले होते. त्याने पत्ता विचारण्याच्या बहाण्याने जोशी यांच्याकडे येऊन त्यांच्या गळ्याला दुखापत करीत त्यांच्या गळ्यातील दीड तोळ्याची सोन्याची साखळी चोरून नेली.