गर्दी जमविल्याप्रकरणी मालेगावी गुन्हा दाखल

गालीबनगरात मारहाण; एक जखमी

मालेगाव : शहरातील रविवार वॉर्ड गालीबनगर भागात जिन्याचे काम करू दिले नाही या कारणावरून धारदार चाकूने वार करून एकास जखमी करण्यात आले. याप्रकरणी जाकीर अन्वर रफीक अहमद (२७, रा. गालीबनगर) यांनी किल्ला पोलिसात फिर्याद दिली. पोलिसांनी जफर आबीद शरीफ अहमद, नोमान सईद अहमद, शरीफ अहमद (रा. गालीबनगर) यांच्या विरोधात गुन्हा दाखल केला. अधिक तपास पोलीस नाईक गायकवाड करीत आहेत.

संगमेश्वरच्या सावता नगरातून दुचाकी चोरी

मालेगाव : शहरातील संगमेश्वर भागातील सावतानगरमधील सातारकर अपार्टमेंटजवळ उभी केलेली २० हजार रुपये किमतीची हिरो होंडा कंपनीची सीडी डिलक्स दुचाकी (एमएच ४१- डब्ल्यू ०८५०) अज्ञात चोरट्याने चोरून नेली. नीळकंठ निंबा मांडगे (रा. सावतानगर) यांनी छावणी पोलिसात फिर्याद दिली. गेल्या गुरुवारी रात्री साडेबारा वाजेच्या सुमारास ही चोरी झाली. पोलिसांनी अज्ञात चोरट्याविरोधात गुन्हा दाखल केला. अधिक तपास सहायक पोलीस निरीक्षक पाटील करीत आहेत.

गळफास घेऊन एकाची सोनज येथे आत्महत्या

मालेगाव : तालुक्यातील सोनज येेथे किशोर अभिमन सोनवणे (४५) यांनी राहत्या घरी गळफास घेऊन आत्महत्या केली. त्याचा चुलतभाऊ रवींद्र सोनवणे याने सामान्य रुग्णालयात उपचारार्थ दाखल केले असता डॉक्टरांनी मृत घोषित केले. तालुका पोलिसात अकस्मात मृत्यूची नोंद करण्यात आली. अधिक तपास जमादार खैरनार करीत आहेत.

झोडगे शिवारात बेवारस मृतदेह

मालेगाव : तालुक्यातील झोडगे शिवारात ४० वर्षीय इसमाचा मृतदेह अर्जुन संजय देवरे यांच्या शेतातील बाभळीच्या झाडाखाली मिळून आला. तालुका पोलिसांनी अकस्मात मृत्यूची नोंद केली. अधिक तपास पोलीस नाईक बच्छाव करीत आहेत.