सिडकोला आता दोन धरणांमधून पाणी देणार

नाशिक: धरणांमध्ये मुबलक पाणी असूनही सतत पाणी बाणीला सामोरे जावे लागणऱ्या सिडकोवासीयांना महापालिकेच्या पाणी पुरवठा विभागील अधिकाऱ्यांच्या वादांचा फटका बसला. त्यावर तोडगा म्हणून या विभागाला सध्या मुकणे धरणातून पाणी पुरवठा केला जात असला तरी गंगापूर येथूनही पुरवठा करण्यचा निर्णय महापौर सतिश कुलकर्णी यांनी मंगळवारी (दि.८) बोलविलेल्या बैठकीत घेण्यात  आला.

ठळक मुद्देमहापौरांच्या बैठकीत नवा तोडगा मुकणे बरोबरच गंगापूरमधूनही पुरवठाआणखी एक जलवाहिनी टाकणार

नाशिक: धरणांमध्ये मुबलक पाणी असूनही सतत पाणी बाणीला सामोरे जावे लागणऱ्या सिडकोवासीयांना महापालिकेच्या पाणी पुरवठा विभागील अधिकाऱ्यांच्या वादांचा फटका बसला. त्यावर तोडगा म्हणून या विभागाला सध्या मुकणे धरणातून पाणी पुरवठा केला जात असला तरी गंगापूर येथूनही पुरवठा करण्यचा निर्णय महापौर सतिश कुलकर्णी यांनी मंगळवारी (दि.८) बोलविलेल्या बैठकीत घेण्यात  आला. त्याच बरोबर पाथर्डी येथील जलकुंभातून इंदिरानगर आणि सिडको विभागासाठी स्वतंत्र जलवाहिनी टाकण्याचे आदेश महापौरांनी  दिले आहे.

सिडकोच्या काही प्रभागांमध्ये गेल्या चार ते पाच दिवसांपासून पाणी पुरवठा विस्कळीत झाला असून त्यास पाणीपुरवठा विभागातील उपअभियंता रविंद्र धारणकर आणि गोकूळ पगारे यांच्यातील वाद कारणीभूत असल्याचा आरोप सिडकोतील नगरसेवकांनी सोमवारी (दि.७) झालेल्या महासभेत केला होता. या नगरसेवकांनी ऑनलाईन महासभा असतानाही महापौरांच्या पीठासनसमोर जाऊन रोष व्यक्त केल्याने महापौरांनी मंगळवारी (दि.८) तातडीने या विषयावर बैठक बोलवण्याचे जाहिर केले होते. त्यानुसार सकाळी ही रामायण या महापौर निवासस्थानी पार पडली. यावेळी सभागृहनेते सतीश सोनवणे, भाजप गटनेते जगदीश पाटील यांच्यासह पाणीपुरवठा विभागाचे अधीक्षक अभियंता संदीप नलावडे, कार्यकारी अभियंता शिवाजी चव्हाणके, अविनाश धनाईत, रविंद्र धारणकर, ललित भावसार तसेच इंदिरानगर व सिडको विभागातील नगरसेवक उपस्थित होते.

मुकणे योजनेतून सिडकोच नव्हे तर पंचवटी आणि नाशिकरोडपर्यंत पाणी पुरवठा केला जात असल्याने सिडकोतील पाणी पुरवठ्यावर प्रतिकुल परीणाम झाल्याचा निष्कर्ष काढत सिडको भागाला परिसराला मुकणेबरोबरच काही प्रमाणात गंगापूर धरणातूनही पाणीपुरवठा करण्याचे आदेश महापौरांनी दिला. 

 या बैठकीस पूर्व विभागाचे सभापती ॲड. शाम बडोदे, सिडकोचे सभापती चंद्रकांत खाडे, नगरसेविका दिपाली कुलकर्णी, रत्नमाला राणे, राकेश दोंदे, भगवान दोंदे, डी. जी. सूर्यवंशी, किरण गामणे, मुकेश शहाणे, छाया देवांग, प्रतिभा पवार, पुष्पा आव्हाड, सुदाम डेमसे, दीपक दातीर आदी उपस्थित होते.