सिडकोत चार लाखांची घरफोडी

सिडकोत चार लाखांची घरफोडी

नाशिक : बंगल्याच्या टेरेसवर चढून दरवाजाचा कडी-कोयंडा तोडून चोरट्यांनी घरातील लॉकरमधील सुमारे चार लाखांचे दागिने चोरून नेल्याची घटना सिडकोतील पाटीलनगरमध्ये घडली आहे़
नरेंद्र सीताराम पगारे (६७, रा.सागर रो-हाउस, नाईकनगर, पाटीलनगर, सिडको) यांनी दिलेल्या फिर्यादीनुसार १ ते ९ जुलै या कालावधित ते कुटुंबासह बाहेरगावी गेले होते़ या कालावधीत चोरट्यांनी त्यांच्या बंगल्याच्या टेरेसवरील दरवाजाचा कडी-कोयंडा तोडून घरात प्रवेश केला़
बेडरुममध्ये ठेवलेले कपाट चावीने उघडून त्यातील लॉकरमध्ये ठेवलेले दहा तोळे वजनाचे सोन्याचे दहा तुकडे, चार तोळ्याचे गंठण, पाच ग्रॅम वजनाच्या पाच अंगठ्या व रोख रक्कम असा तीन लाख ८० रुपयांचा ऐवज चोरून नेला़