खड्डा दिसेल तिथे नारळ फुटेल

नाशिक-पुणे महामार्गावर ठिकठिकाणी अपघाताला आमंत्रण देणारे खड्डे बुजविण्याकडे लक्ष देण्यासाठी महाराष्टÑ नवनिर्माण सेनेच्या वतीने ‘खड्डा दिसेल तिथे नारळ फुटेल’ असे अभिनव आंदोलन गुरुवारी करण्यात आले.

नाशिकरोड : नाशिक-पुणे महामार्गावर ठिकठिकाणी अपघाताला आमंत्रण देणारे खड्डे बुजविण्याकडे लक्ष देण्यासाठी महाराष्टÑ नवनिर्माण सेनेच्या वतीने ‘खड्डा दिसेल तिथे नारळ फुटेल’ असे अभिनव आंदोलन गुरुवारी करण्यात आले.
नाशिक-पुणे महामार्गावर द्वारका ते नाशिकरोडपर्यंत अनेक ठिकाणी मोठमोठे खड्डे पडले असून, यामुळे अपघाताला आमंत्रण मिळत आहे. सार्वजनिक बांधकाम विभाग व मनपा लक्ष देत नसल्याने त्यांचे लक्ष वेधण्यासाठी मनसेच्या वतीने गुरुवारी महामार्गावरील पडलेल्या खड्ड्याजवळ नारळ फोडून अभिनव आंदोलन करण्यात आले. यावेळी मनसे सरचिटणीस विक्रम कदम, जिल्हा सरचिटणीस संतोष पिल्ले, अस्लम मणियार, श्याम गोहाड, रिना सोनार, धनश्री ढोले, संतोष क्षीरसागर, अशोक ठाकरे, कौशल पाटील, विलास कदम, शशिकांत चौधरी आदी आंदोलनात सहभागी झाले होते.