सत्ताधाऱ्यांमध्ये कामांवरून पुन्हा संघर्षाची ठिणगी

अध्यक्ष-उपाध्यक्षांमध्ये शीतयुद्ध? ‘लेटर बॉम्ब’चा वणवा

नाशिक : जिल्हा परिषदेची सर्वसाधारण सभा उद्या (दि.२३) सकाळी साडेअकरा वाजता आयोजित करण्यात आली असून, या सभेत सत्ताधाऱ्यांमधीलअंतर्गत संघर्ष पेटण्याची शक्यता आहे. विशेष म्हणजे अध्यक्ष विजयश्री चुंबळे यांनी सर्वच विभागांच्या विशेषत: कामांच्या प्रशासकीय मंजुरी व कार्यारंभ आदेशबाबतच्या फायली अवलोकनार्थ आल्या पाहिजेत, असे जे पत्र मुख्य कार्यकारी अधिकाऱ्यांना दिले आहे. या लेटरबॉम्बवरून बांधकाम सभापती तथा उपाध्यक्ष प्रकाश वडजे तसेच अन्य पदाधिकाऱ्यांची अध्यक्षांवर खप्पामर्जी झाल्याची चर्चा आहे.