कोरोनामुळे नाशिक महापालिकेच्या बससेवेला ब्रेक

नाशिक : महत्प्रयासानंतर नाशिक महापालिकेच्या बससेवेसाठी राज्य शासनाकडून रखडलेला परवाना अखेर मिळाला असला तरी शहरात कोरोनाबाधितांची संख्या वाढत असल्याने तूर्तास महापालिकेनेच जरा ब्रेक घेण्याचे ठरवले आहे. सुरक्षित अंतराचा फज्जा उडणार असेल आणि शहरातील बाधितांची संख्या वाढणार असेल तर बस सुरू करून काय उपयेाग, असा प्रश्न भाजपने केला आहे. नाशिक महापालिकेच्या वतीने नाशिक महानगर परिवहन महामंडळ बससेवा सुरू करण्यास तयार आहे. मात्र एकेक अडथळे येत आहेत. त्या दूर करून प्रजासत्ताकदिनी सेवा सुरू करण्याची तयारी करण्यात आली असताना बस परवानाच उपलब्ध नसल्याचे प्रकरण पुढे आले. गेल्या वर्षी फेब्रुवारी महिन्यात राज्य शासनाच्या परिवहन मंत्रालयाकडे बस चालवण्यास परवाना मिळावा म्ह‌णून महापालिकेने अर्ज केला होता. मात्र, त्यानंतर वारंवार स्मरणपत्र देऊनही परवाना मिळाला नव्हता. दरम्यान, महापौर सतीश कुलकणी यांनी विरोधी पक्षनेते देवेंद्र फडणवीस यांच्या्कडे तर महापालिका आयुक्त कैलास जाधव यांनी नगरविकास मंत्री एकनाथ शिंदे यांच्याकडे पाठपुरावा केल्यानंतर अखेरीस गेल्या १८ फेब्रुवारीस हा परवाना मंजूर करण्यात आला आहे. त्यानंतर परवान्यासह सर्व माहिती आणि विशेषत: तिकीट दर निश्चितीसाठी प्रादेशिक परिवहन प्राधिकरणाकडे अर्ज करण्यात येणार आहे. या प्रक्रियेला दहा ते पंधरा दिवस लागू शकतात. मात्र, त्यानंतरही शहरात मेाठ्या प्रमाणात कोरोनाबाधितांची संख्या वाढू लागल्याने अडचण झाली आहे.

लॉकडाऊनचे निर्बंध शिथिल झाल्यानंतर नागरिकांकडून सुरक्षा नियमांचे पालन न झाल्याने कोराेना संसर्ग वाढू लागला आहे. त्यामुळे आरोग्य नियमांचे पालन करण्यासाठी प्रशासनाला कारवाईचा बडगा उगारावा लागत आहे. अशा वेळी बससेवा सुरू करणे कठीण असून त्यातून संसर्ग अधिक वाढण्याची शक्यता नाकारता येत नाही. त्यामुळे आरटीएची परवानगी मिळाली तरी अशा प्रकारे बससेवा सुरू करण्याची तयारी नसल्याचे आयुक्त कैलास जाधव यांनी सांगितले.

कोट..

महापालिकेच्या वतीने बससेवा सुरू करण्यासाठी तयारी करण्यात आली असली तरी कारोना संसर्गामुळे बसमध्ये फिजिकल डिस्टन्सिंगचे पालन कितपत होईल याविषयी शंका आहे. त्यामुळे योग्य तो विचार करून निर्णय घ्यावा लागेल.

- कैलास जाधव, आयुक्त, महापालिका

===Photopath===

250221\25nsk_35_25022021_13.jpg

===Caption===

नाशिक महापालिकेच्या बस सेवा