भाकपा मनपा, जिल्हा परिषद लढविणार

या बैठकीत पक्ष संघटना व जनसंघटनेबाबत आढावा घेण्यात येऊन पक्षाची ताकद आजमाविण्याबरोबरच पक्ष कार्यकर्त्यांनाही सत्तेत वाटा मिळवून देण्यासाठी आगामी स्थानिक स्वराज्य संस्था निवडणूक लढविण्याचा निर्णय घेण्यात आला. या बैठकीत केंद्र सरकारच्या शेतकरीविरोधी कायद्याला विरोध दर्शविण्यासाठी २९ ऑगस्ट रोजी काढण्यात येणाऱ्या ट्रॅक्टर रॅली यशस्वी करण्यासाठी किसान सभा, भाकपाच्या वतीने जिल्हाभर जनजागृती करण्याचा निर्णय घेण्यात आला. तसेच शेतकरी-कामगारविरोधी केंद्र सरकारचे धोरण कायदे प्रस्तावित वीजबिल विधेयक शेतकरीविरोधी आहे. एलआयसीचे खाजगीकरण, बँक विलीनीकरण धोरण, पीकविमाबाबत शेतकरी फसवणूक, कसत असलेल्या वनजमिनी त्वरित नावावर करा, सर्व कामगार कर्मचाऱ्यांना किमान वेतन द्या, वाढती महागाईविरोधात, पेट्रोल-डिझेल दरवाढविरोधात १५ सप्टेंबर ते ३१ ऑक्टोबर २०२१ पर्यंत जनजागृती मोहीम राबविण्यात येणार आहे. त्या दरम्यान, एक लाख सह्या जमा करण्याचा निर्णय घेण्यात आला. बैठकीचे प्रास्ताविक जिल्हा सचिव कॉम्रेड भास्कर शिंदे यांनी केले. बैठकीच्या प्रारंभी गणपत देशमुख, कॉम्रेड सुभान भाई देशमुख, कॉम्रेड शिवनाथ जाधव, कवी सतीश काळसेकर, कॉम्रेड विजय गणाचार्य, कॉम्रेड श्रीधर देशपांडे यांना तसेच दिल्ली शेतकरी आंदोलनातील शहिदांना आदरांजली वाहण्यात आली. बैठकीस राज्य सहसचिव कॉम्रेड ॲड. सुभाष लांडे, राज्य सचिव मंडळ कॉम्रेड राजू देसले, विराज देवांग, ॲड दत्तात्रेय गांगुर्डे, नामदेव बोराडे, पद्माकर इंगळे, वित्तल घुले, किरण डावखर, एस खतीब, शिवाजी पगारे, जगन माळी, ज्ञानेश्वर माळी, ॲड. समीर शिंदे, सुनीता कुलकर्णी, मीना आढाव, अविनाश दोंदे, निवृत्ती कसबे, नितीन शिरलकर, प्रा. आर. भोंग आदी उपस्थित होते.

चौकट===

ट्रॅक्टर रॅलीचे भुजबळांना निवेदन

शेतकरीविरोधी कायद्याविरोधात काढण्यात येणाऱ्या ट्रॅक्टर रॅलीची माहिती व निमंत्रण देण्यासाठी रविवारी (दि.२२) शेतकरी समन्वय समितीच्या पदाधिकाऱ्यांनी पालकमंत्री छगन भुजबळ यांची भेट घेऊन माहिती दिली. यावेळी भुजबळ यांनी सहकार्य करण्याचे आश्वासन दिले. या शिष्टमंडळात शरद आहेर, तानाजी जायभावे, निवृत्ती अरिंगळे, दत्ता गायकवाड, मनोहर कोरडे, रमेश औटे, अशोक खालकर, राजू देसले, विष्णुपंत म्हैसधुणे, सुदाम बोराडे, केशवराव बाेराडे, शिवाजी म्हस्के आदींचा समावेश होता.

(फोटो २२ भुजबळ)