अल्पवयीन मुलीला पळवून नेणाऱ्या विरुद्ध गुन्हा

----

गुलाबपार्क भागात धाडसी घरफोडी

मालेगाव : शहरातील गुलाबपार्क भागातील घराचे कुलूप तोडून अज्ञात चोरट्यांनी एक लाख ६३ हजार रुपयांचा मुद्देमाल चोरून नेल्याप्रकरणी पवारवाडी पोलीस ठाण्यात गुन्हा दाखल करण्यात आला आहे. याप्रकरणी घरमालक मोहंमद अफजल निसार अहमद यांनी फिर्याद दिली आहे. अज्ञात चोरट्याने त्यांच्या घराचे कुलूप तोडून कपाटातील १ लाख ४१ हजार रुपयांची रोकड, २२ हजार रुपयांचे सोने असा एक लाख ६३ हजार रुपयांचा मुद्देमाल चोरून नेला आहे. याप्रकरणी पुढील तपास पोलीस उपनिरीक्षक भामरे करीत आहेत.

----

मालेगावी एकावर धारदार हत्याराने वार

मालेगाव : शहरातील नवीवस्ती भागात अप्सरअली रहेमतुल्ला याच्यावर किरकोळ कारणावरुन धारदार हत्याराने वार करुन जखमी करणाऱ्या सज्जाद, बब्बू, इजाज भांज्या (पूर्ण नाव माहीत नाही) या तिघांविरुद्ध पवारवाडी पोलिसात गुन्हा दाखल करण्यात आला आहे. पुढील तपास हवालदार बाविस्कर हे करीत आहेत.

----

किरकोळ कारणावरून तरुणाला मारहाण

मालेगाव : तालुक्यातील खडकी येथील गव्हाळी शिवारात तरुणाला किरकोळ कारणावरुन मारहाण करणाऱ्या पाच जणांविरुद्ध तालुका पोलीस ठाण्यात गुन्हा दाखल करण्यात आला आहे. याप्रकरणी प्रदीप पोपट मोरे यांनी फिर्याद दिली आहे. नामदेव नारायण देवरे, सुरेश नामदेव देवरे, मंगलदास नामदेव देवरे, विश्वास नामदेव देवरे व जेसीबीवरील चालकाने मारहाण केल्याचे फिर्यादीत म्हटले आहे. पुढील तपास हवालदार राजपूत करीत आहेत.

----